الوقت - یمن میں فوج اور رضاکار فورس نے سعودی عرب کے ایک جنگی ہیلی کاپٹر کو مار گرایا ہے۔
المنار ٹی وی چینل کی رپورٹ کے مطابق، یمن کی فوج اور رضاکار فورس نے سعودی عرب جنوبی صوبہ نجران میں جھڑپ کے دوران سعودی عرب کے ایک جنگی ہیلی کاپٹر کو مار گرایا ہے۔ 26 مارچ 2015 سے سعودی عرب نے یمن پر وسیع حملے شروع کئے ہیں جس کے دوران یمن کی فوج سعودی عرب کے کئی جنگی طیاروں، ہیلی کاپٹروں اور ڈرون طیاروں کو تباہ کر چکی ہے۔
یمن سے ایک اور خبر یہ ہے کہ صوبہ مآرب میں مسلح افراد کے حملے میں سعودی عرب کے پانچ سعودی فوجی ہلاک ہوگئے۔ ذرائع ابلاغ کا کہنا ہے کہ یمن پر سعودی عرب کے حملوں میں ہزاروں یمنی شہری شہید اور زخمی ہوئے ہیں۔ اسی طرح اس جنگ کے دوران 25 لاکھ افراد بے گھر ہو چکے ہیں۔
