الوقت - اسرائیل کے دارالحکومت تل ابيب میں فائرنگ کے ایک واقعہ میں دو افراد ہلاک ہو گئے ہیں اور تین دیگر زخمی ہوئے ہیں۔
اسرائیلی ذرائع کے مطابق یہ حملہ سنیچر کی شام ایک زیر زمین پارکنگ میں ہوا ہے۔
اطلاعات کے مطابق پارکنگ میں حملہ آور ہتھیار کے ساتھ چھپا ہوا تھا اور جیسے ہی وہ لوگ پہنچے اس نے فائرنگ شروع کر دی۔
ریسکیو اہلکاروں کے مطابق مارے جانے والے دونوں افراد کی عمر بیس سال سے زیادہ تھی۔ یہ دونوں حملے میں زخمی ہو گئے اور پھر ان کی موت ہو گئی۔
اسرائیل کی پولیس نے واقعہ کی تحقیقات شروع کر دی ہے۔
