الوقت - صیہونی فوجیوں نے مقبوضہ مغربی کنارے میں ایک اسرائیلی فوجی کو مبینہ طور پر چاقو مارنے کی کوشش کرنے پر ایک فلسطینی خاتون کو گولی مار کر شہید کر دیا۔
یہ واقعہ جمعرات کو، مغربی کنارے کے شمالی حصے میں واقع، طولكرم شہر کے قریب، انابتا قصبے میں اناب چوکی پر پیش آیا۔
فلسطین کی وزارت صحت نے اس عورت کی شہادت کی تصدیق کی لیکن ابھی تک اس شہید خاتون کی شناخت واضح نہیں ہو سکی ہے کیونکہ اس واقعہ کی تفصیلات ابھی تک سامنے نہیں آئی ہیں۔
فلسطین کی معا نیوز ایجنسی نے فلسطینی ہلال احمر ادارے کی ترجمان کے حوالے سے بتایا کہ اسرائیلی فوجیوں نے ایمبيولینس کو جائے وقوعہ پر جانے سے روک دیا۔ ہلال احمر کی رکن نے دیکھا کہ اسرائیلی ایمبيولینس میں لے جانے سے پہلے وہ عورت زمین پر پڑی ہوئی تھی۔
اس درمیان اسرائیلی فوج نے ایک بیان میں دعوی کیا کہ متاثرہ خاتون کے پاس چاقو تھا اور اس نے ایک فوجی کو چاقو مارنے کی کوشش کی۔
