الوقت - امریکہ کی قیادت میں بنے نام نہاد بین الاقوامی اتحاد کے مشرقی حلب کے رہائشی علاقوں پر ہوئے فضائی حملوں میں کم از کم دس عام شہری جاں بحق ہو گئے ہیں۔
شام کے ذرائع ابلاغ کے مطابق، امریکی اتحاد نے شمال مشرقی حلب سے 100 کلومیٹر کے فاصلے پر واقع مسكنہ شہر پر بمباری کر دی جس میں دس عام شہری ہلاک اور دسیوں زخمی ہو گئے۔
شام کے نام نہاد انسانی حقوق مرکز نے بھی رپورٹ دی ہے کہ امریکہ کی قیادت میں شمال مغربی حلب کے ياقدالعدس، كفرۃ الحمراء اور قبطان الجبل دیہاتوں پر کئی بار فضائی حملے کئے گئے۔ اس مرکز نے ان حملوں میں مارے گئے لوگوں کی تعداد کا ذکر نہیں کیا ہے۔
شام کے انسانی حقوق مرکز نے جمعرات کو بھی رپورٹ دی تھی کہ امریکی اتحاد نے شام کے شمالی علاقے مطب البو راشد پر حملہ کیا جس میں چھ بچوں سمیت 15 عام شہری مارے گئے۔
امریکی اتحاد نے شام اور عراق میں داعش کے دہشت گردوں سے مقابلے کے بہانے 2014 سے حملے شروع کئے ہیں لیکن دستاویزوں پتا چلتا ہے کہ امریکہ ان دونوں ممالک میں داعش سمیت دہشت گرد گروہوں کی بھرپور مدد کر رہا ہے اور عراق سے شام داعش کے دہشت گردوں کے فرار ہونے میں بھرپور مدد کر رہا ہے۔
