الوقت - سنیچر کو واشنگٹن میں نیشنل مال اور نزدیک کی سڑک پر 'ويمنز مارچ' (خواتین کے مظاہرے) مہم میں تقریبا 5 لاکھ افراد نے شرکت کی ہے۔
اسی طرح کی ریلیاں امریکا کے بڑے شہروں میں بھی منعقد ہوئیں۔ 'ويمنز مارچ' مہم کی ریلیوں کے منتظمین کا کہنا ہے کہ ان کا مقصد خواتین کے حقوق اور شہری حقوق کے سلسلے میں بیداری پیدا کرنا ہے کیونکہ زیادہ تر امریکیوں کا خیال ہے کہ یہ حق نئے صدر کے دور اقتدار میں خطرے میں پڑ سکتے ہیں۔
واشنگٹن کے تجارتی علاقے جانے والی میٹرو ٹرینیں ان مسافروں سے بھری ہوئی تھیں جو ریلی میں شرکت کرنے جا رہے تھے۔ حکام کا کہنا تھا کہ مقامی وقت کے مطابق شام 4 بجے تک تقریبا 6 لاکھ لوگوں نے میٹرو ٹرین کا استعمال کیا تھا۔
بوسٹن، نیویارک، شکاگو اور لاس اینجلس میں بھی منعقد ریلیوں میں لوگوں نے واشنگٹن کی طرح بہت بڑھ چڑھ کر حصہ لیا۔
نیو یارک شہر کے میئر بل ڈی بلاسيو کے دفتر نے سنیچر کی رات کہا کہ مین ہیٹن میں تقریبا 4 لاکھ کی تعداد میں لوگ جمع ہوئے۔ جبکہ بوسٹن اور شکاگو میں منتظمین کا کہنا ہے کہ پورے ملک میں سب سے بڑی ریلیاں ان دو شہروں میں نکلیں۔
