الوقت - حالیہ کچھ ہفتوں کے دوران افغانستان کے ہرات اور دار الحکومت کابل میں اس ملک کے شیعوں کو دہشت گردانہ حملوں کا نشانہ بنایا گیا اگر چہ ان حملوں کو داعش کے دہشت گردوں کی جانب منسوب کیا گيا لیکن افغانستان داخلی اور علاقائی صورتحال کے مد نظر ایسا محسوس ہوتا ہے کہ ان واقعات کے پیچھے خفیہ ہاتھ ہیں۔
افغانستان میں متعدد طاقتور اور بااثر قومیں آباد ہیں جن میں آپس میں ہمیشہ سے قومی اور مذہبی رقابت چلتی رہتی ہے۔ اس ملک کی تاریخ کے متعدد دور میں جو چيز خونریز جھڑپوں اور عوام کے آپس میں مل جل کر پر امن طریقے سے رہنے میں اصل رکاورٹ ہے وہ قومی اور مذہبی دو عنصر رہے ہیں۔ سیاسی، اجتماعی، اقتصادی اور ثقافتی جیسے متعدد مسائل میں بھی قومی اور مذہبی عناصر کا بخوبی مشاہدہ کیا جا سکتا ہے۔ گرچہ افغانستان کی نا امنی میں فرقہ وارانہ اور مذہبی جھڑپیں اہم عنصر تھے اور ہیں لکن اس نکتے کو نظر انداز نہیں کیا جا سکتا کہ یہی موضوع کچھ علاقائی اور بین الاقوامی ممالک کے لئے ایک بہانہ بن گیا تاکہ وہ اس کمزور نقطے سے اپنے خفیہ اہداف کو فرقہ وارانہ اور قومی مسائل میں الجھا کر حاصل کر سکیں۔ اسی تناظر میں افغانستان بے گناہ شیعوں کے قتل عام کو دیکھا جا سکتا ہے۔
یہ مسئلہ اس وقت حقیقت سے نزدیک ہو جاتا ہے جب ہم اس نکتے پر توجہ دیں کہ حالیہ حملوں کے فورا بعد طالبان نے اس طرح کے حملوں میں ملوث ہونے سے انکار کیا حتی اس گروہ نے ان حملوں کی مذمت تک کی۔
اگر چہ ان حملوں میں زیادہ تر میڈیا نے یہ دیکھانے کی کوشش کی اس طرح کے حملوں کے ذمہ دار داعش کے دہشت گرد ہیں اور اس سے ثابت ہوتا ہے افغانستان میں داعش بہت مضبوط ہو گیا ہے لیکن سیاسی حقیقت ان حملوں اور قتل عام کی کچھ اور کہی داستان بیان کرتی ہیں۔ دوسرے الفاظ میں کابل کی مسجد باقر العلوم اور ہرات کی رضائیہ مسجد پر ہونے والے حملوں کے اسباب کو داعش اور اس گروہ کے اصل بانیوں میں تلاش کیا جانا چاہئے۔ اسی تناظر میں حوزہ علمیہ ہرات کے مشہور اور ممتاز عالم دین حجت الاسلام و الملسمین سید یونس علوی کی شہادت اور اس سے پہلے شیخ عزیز اللہ نجفی کی شہادت کو اسی تناظر میں دیکھا جا سکتا ہے۔
دنیا کے مختلف علاقوں خاص طور پر افغانستان میں شیعوں پر ہونے والے متعدد حملوں اور اس ملک کے داخلی اور علاقائی حالات کے مد نظر ایسا محسوس ہوتا ہے کہ ان حملوں میں سعودی حکام اور اس کے بین الاقوامی حامی ملوث رہے ہیں۔ شیعوں سے سعودیوں کی اعتقادی دشمنی اور اسی طرح علاقے میں ایران کے اثر و رسوخ کی سعودی عرب کی جانب سے مخالفت کے مد نظر سعودی عرب کے ساتھ امریکا اور برطانیہ جیسی باہری طاقتوں کا کردار زیادہ نمایاں ہو جاتا ہے۔
سیاسی میدان میں بھی اگر اشرف غنی کی خارجہ پالیسی میں سعودی عرب کا دوسرا مقام ہے اسی لئے سعودی عرب اس ملک میں زیادہ سے زیادہ مواقع حاصل کرنے کی امید لگائے ہوئے تھا لیکن علاقائی، بین الاقوامی اور داخلی مخالفتوں اور چیلجنز کی وجہ سے عملی طور پر افغانستان میں سعودی عرب کے مقام و منزلت میں اضافہ نہیں ہوا۔
یہ ایسی حالت میں ہے افغانستان میں چین اور ہندوستان کے اثرو رسوخ کے ساتھ ہی ایران اور روس کے سنتی کردار میں بھی اضافہ ہوا ہے اور افغانستان میں موجود یہ چار طاقتیں افغانستان میں سعودی عرب کی زیادہ موجودگی کو مثبت نظر سے نہیں دیکھتے۔
