الوقت - فرانس نیس شہر میں مسلح پولیس اہلکاروں کی جانب سے ایک عورت کی بركيني اتروانے کی تصاویر وائرل ہونے کے ساتھ سوشل میڈیا پر بركيني پر پابندی کے حوالے سے رد عمل جاری ہے۔
دراصل بركيني ایک سوئمنگ سوٹ ہے جس میں مکمل جسم ڈھکا رہتا ہے اور اس کی وجہ سے مسلم خواتین کے درمیان خاصہ مقبول ہے۔ تاہم گزشتہ دنوں كانس کے میئر ڈیوڈ لسنارڈ نے شہر میں بركيني پہننے پر پابندی عائد کر دی تھی۔ نیس بھی فرانس کے ان 14 شہروں میں شامل ہے جہاں خواتین کے بركيني پہننے پر پابندی ہے۔ حکام کا کہنا ہے کہ 'بركنيس' فرانس کے سیکولر کردار کے خلاف ہے اور اس سے کشیدگی کی صورتحال پیدا ہو سکتی ہے۔
میڈیا رپورٹس میں شائع تصاویر میں دکھائی دے رہا ہے کہ بیچ پر لیگگس، ٹيونک اور اسکارف پہنے ایک خاتون کو چار پولیس اہلکار گھیر کر کھڑے ہیں۔ اس کے بعد وہ عورت نیلے رنگ کا ٹيونک اتارتی نظر آرہی ہے، وہیں ایک پولیس افسر جرمانے کی پرچی کاٹ رہا ہے تاہم تصاویر سے یہ واضح نہیں ہوتا کہ اس عورت سے زبردستی ایسا کروایا گیا، یا پھر اس نے قوانین کا احترام کرتے ہوئے ایسا کیا۔
ایسا ہی ایک واقعہ 34 سال کی ایک عورت کے ساتھ پیش آیا۔ دو بچوں کی اس ماں نے خبر ایجنسی اے ایف پی کو بتایا کہ وہ خاندان کے ساتھ کانز کے درمیان بیٹھی تھی ۔
فرانس میں بركني پر پابندی کو لے کر مسلم خواتین میں خاصہ غصہ ہے اور سیکڑوں خواتین کو بركيني پہننے پر جرمانہ ادا کرنا پڑتا ہے۔ وہیں اس تازہ تصویر کے سامنے آنے کے بعد کئی لوگ اسے لے کر ٹویٹر پر غصے کا اظہار کر رہے ہیں۔
