الوقت - سعودی عرب کے میڈیا ذرائع نے مدینہ منورہ میں ہوئے دہشت گردانہ حملوں میں ملوث ایک دہشت گرد کی شناخت ظاہر کر دی ہے۔
سعودی عرب کے اخبار الوطن کی ویب سائٹ کی منگل کی رپورٹ کے مطابق، مدینہ منورہ میں خودکش حملہ کرنے والا 18 سالہ عمر عبد الہادی عمر الجعید العتیبی ہے۔ اس حملہ آور طائف کا رہنے والا ہے۔
سعودی عرب کے حکام کا دعوی ہے کہ کافی عرصے سے عمر الهادي پر سیکورٹی اہلکار نظر رکھے ہوئے تھے۔ سعودی عرب کے حکام کے مطابق اس حملے میں چار فوجی سمیت چھ افراد مارے گئے جس میں دو زائر بھی شامل تھے۔ اس حملے میں دیگر کئی افراد زخمی ہو گئے۔
سعودی عرب کے سیکورٹی ذرائع نے اسی طرح بتایا کہ جدہ میں امریکی کونسلٹ پر خود کش حملہ کرنے والا پاکستانی شہری عبداللہ گلزار خان تھا جو 12 سال پہلے اپنے خاندان کے ساتھ سعودی عرب میں رہنے کے لئے آیا تھا۔
گلزار خان اتوار کی رات جدہ میں امریکی قونصل خانے کو نشانہ بنا کر کار سے خودکش حملہ کرنا چاہتا تھا لیکن شک ہونے پر سکیورٹی اہلکاروں نے اسے گولی مار کر ہلاک کر دیا۔
