الوقت - گزشتہ دن شام کا ایک جنگی طیارہ ترکی کی سرحد کے قریب گر کر تباہ ہو گیا تھا۔ اس کا پائلٹ زندہ ترکی میں مل گیا ہے۔
گزشتہ دنوں شام کی سرحد کے قریب صوبہ ادلب کے شمال میں شام کا مگ -21 جنگی طیارے گر کر تباہ ہو گیا تھا اور زمین پر گرنے سے پہلے ہی پائلٹ طیارے سے کودنے میں کامیاب ہو گیا تھا۔
واقعے کے بعد سے ہی پائلٹ کی تلاش جاری تھی جو اتوار کو زندہ حالت میں مل گیا۔ ترکی کے اخبار ڈیلی صباح نے اس خبر کا اعلان کرتے ہوئے کہ پائلٹ انطاكيہ شہر کے يايلاجک گاؤں کے قریب پایا گیا۔
گزشتہ دن مقامی لوگوں نے دیکھا تھا کہ جب جنگی طیارے گر رہا تھا تو اس میں سے پائلٹ باہر کودنے میں کامیاب ہو گیا تھا۔
ابھی تک یہ پتہ نہیں چل سکا ہے کہ جنگی طیارہ کس طرح گرا۔ ترک وزیر اعظم بن علی ییلدريم نے ہفتے کو کہا تھا کہ ابھی تک کوئی واضح اطلاع نہیں ہے اور شاید موسم کی خرابی کی وجہ سے جنگی طیارہ گرا ہو۔
دہشت گرد گروہ احرارالشام نے بھی دعوی کیا کہ اس کے جنگجوؤں نے طیارے کو مار گرایا ہے۔ شامی حکومت سے وابستہ بعض ذرائع نے بتایا کہ تکنیکی خرابی کی وجہ سے جنگی جہاز گرا اور حکومت نے طیارے پر کسی بھی قسم کے حملے کی تردید کی تھی۔
