الوقت - ایران کی سپاہ پاسداران انقلاب اسلامی کے ڈپٹی کمانڈر انچیف بریگیڈیئر جنرل حسین سلامی نے کہا ہے کہ ایران کو بری نظر سے دیکھنے والوں کو زمین میں دفن کر دیا جائے گا۔
آئی آر جی سی کے ڈپٹی کمانڈر انچیف جنرل حسین سلامی نے کہا ہے کہ امریکا جان لے کہ ایران کی سرزمین میں ان سبھی جارحیتوں کو دفن کر دیا جائے گا جو ہمارے ملک کی سرحد کی جانب آنکھ اٹھا کر دیکھنے کی کوشش کرے گی ۔
جنرل حسین سلامی نے مدافعین حرم اور يزد کے ایٹمی شہداء کی یاد میں منعقد ایک پروگرام سے خطاب کرتے ہوئے کہا کہ دشمنوں کی تمام سازشیں نہ صرف ناکام ہو گئی ہیں بلکہ انہیں سازش کرنے والوں کی جانب موڑ دیا گیا ہے۔
انہوں نے کہا کہ دشمن ہمیں جنگ کے ذریعے کمزور کرنا چاہتا تھا لیکن ہم خود کے بنائے میزائلوں، بحریہ اور بری فوج کے طور پر ایک عظیم طاقت بن کر ابھرے ہیں اور اگر اب دنیا بھر کی تمام شیطان جمع ہو بھی جائیں پھر بھی کوئی طاقت ہمیں شکست نہیں دے سکتی۔
جنرل حسین سلامی نے کہا کہ اگر دشمن ہمارے علاقائی اثرات کو ختم کرنے کی کوشش نہیں کرتے تو ہم بھی آج عالم اسلام میں اتنے طاقتور نہ ہو پاتے۔
بریگیڈیئر جنرل حسین سلامی نے دشمن کو ہی ایران کی ترقی کا سبب قرار دیا اور کہا کہ ہم نے اپنی طاقت اتنی بڑھا لی ہے کہ امریکا پر بھی غلبہ حاصل کر سکتے ہیں اور آج ہم نے یہ حقیقت جان لی ہے کہ شیطان پر غلبہ حاصل کرنے میں مؤمن کی روح کو کبھی ناکامی نہیں ہوتی۔
ایران کی سپاہ پاسداران انقلاب اسلامی کے ڈپٹی کمانڈر انچیف بریگیڈیئر جنرل حسین سلامی نے کہا کہ ایران کے طاقتور میزائل فائر ہونے کے لئے تیار ہیں اور ہماری رضاکار فورس اور آرمی اور بحریہ فورس کے جوان مکمل طور الرٹ ہیں۔ قابل ذکر ہے کہ ایران نے ہمیشہ ہی اعلان کیا ہے کہ اس کے میزئل پروگرام دفاعی نوعیت کا ہے اور یہ صرف اپنے دفاع کے لئے استعمال کیا جائے گا۔
