الوقت - ایسی شادی کے بارے میں آپ نے پریوں کی داستانوں میں ہی سنا ہوگا۔ جی ہاں روس میں ایک ایسی ہی شادی ہوئی ہے مادینا شوکی روا اور صدور کی شادی۔ مادینا روس کے آیل ٹائیکون اکہام کی بیٹی ہیں۔ اس شاہی شادی کی خاص بات یہ ہے کہ اس شادی میں دلہن نے چاندی سے مزین لباس پہنا تھا جسکی قیمت تقریبا 4 کروڑ روپئے سے بھی زیادہ تھی۔ رپورٹس کے مطابق اس شادی میں 900 سے زیادہ مہمانوں نے شرکت کی۔ شادی کی رونق دیکھنے لائق تھی ! اتنی شاندار شادی کی تقریب کسی شاہی شادی سے کم نہیں لگ رہی تھی ۔
یہ شادی روس کے ماسکو کے ایک بڑے ہوٹل میں منعقد کی گئی تھی۔ اس شادی کی ایک اور خاص بات یہ ہے کہ شادی میں کٹنے والا کیک بھی کوئی چھوٹا موٹا کیک نہیں تھا بلکہ یہ کیک 10 فٹ لمبا اور 9 ٹائر والا تھا۔ اسے ایک سلیبریٹی کیک میکر نے بنایا تھا ۔
مادینا کا گاؤن بیحد ہی خوبصورت تھا ۔ گاؤن میں جہاں چاندی سے کڑھائی ہوئی تھی وہیں ہزاروں کی تعداد میں موتی بھی لگے ہوئے تھے۔
