الوقت - عراق کے صوبہ نینوا کے ایک مقامی ذریعے نے کہا ہے داعش کا سرغنہ اور اس گروہ کے تین سرغنہ کو فوڈ پوازننگ ہو گیا ہے۔
صوبہ نینوا کے مقامی ذریعے نے اپنا نام خفیہ رکھنے کی شرط پر یہ خبر دی ہے۔ داعش کے سرغنہ ابو بکر البغدادی اور اس کے تین اعلی کمانڈر نینوا صوبے میں کھانہ کھانے کے بعد بیمار ہو گئے اور ان کو فوڈ پوازننگ کی شکایت ہوئی۔
عراق کی خبر رساں ایجنسی واع نے بھی اس خبر کی تصدیق کرتے ہوئے رپورٹ دی ہے کہ خفیہ ذریعے سے اسے خبر ملی ہے کہ داعش کا سرغنہ ابو بکر البغدادی اور اس کے تین ساتھی خراب کھانہ کھانے سے شدید پیمار ہوگئے اور ان کو فوڈ پوازننگ کی شکایت ہوگئی۔
اس ذریعے نے بتایا کہ ابو بکر البغدادی اور اس کے تین ساتھی سخت سیکورٹی میں نامعلوم مقام کی جانب منتقل ہوگئے۔
