الوقت - امریکا کے شہر شکاگو کی یونیورسٹی میں ہونے والی فائرنگ میں متعدد افراد کے زخمی ہونے کی اطلاع ہے۔
فارس نیوز ایجنسی کی رپورٹ کے مطابق، شکاگو میں واقع ایلینوئی یونیورسٹی کے احاطے میں ایک مسلح شخص نے وہاں موجود طلباء پر اچانک فائرنگ کر دی جس کے نتیجے میں متعدد طالب علم زخمی ہو گئے۔
سوشل میڈیا پر جاری ہونے والی اطلاعات کے مطابق فائرنگ کے اس واقعہ میں کم از کم نو طالب علم زخمی ہوئے تاہم مقامی حکام نے اس سلسلے میں مکمل طور پر خاموشی اختیار کر رکھی ہے۔
بتایا جاتا ہے کہ حملہ آور فائرنگ کے بعد فرار ہونے میں کامیاب رہا۔ ایلینوئی یونیورسٹی کی انتظامیہ نے فوری طور پر جائے وقوعہ پر پہنچ کر طلباء کو وہاں سے ہٹا دیا۔
ادھر بالٹیمور سٹی میں بھی فائرنگ کے ایک واقعہ میں ایک بچے سمیت آٹھ افراد کے زخمی ہونے کی اطلاع موصول ہوئی ہے۔ بالٹیمور کے پولیس حکام کا کہنا ہے کہ اس واقعہ میں ملوث تین حملہ آوروں کی گرفتاری کے لئے کارروائی کی جا رہی ہے۔
واضح رہے کہ ایک امریکی ادارے کی رپورٹ کے مطابق رواں سال کے ابتدائی چھ مينو کے دوران فائرنگ کے 24 ہزار 5 سو 32 واقعات ہوئے ہیں جن کے دوران 303 افراد ہلاک ہوئے جبکہ 12 ہزار 952 افراد زخمی ہوئے ہیں۔
