الوقت - ہندوستان کی کانگریس کارٹی کے سینئر لیڈر دگ وجئے سنگھ نے کہا ہے کہ ہندوستان کے لئے آر ایس ایس کے نظریات بہت خطرناک ہے۔
انہوں نے راشٹریہ سویم سیوک سنگھ، آر ایس ایس کے افکار کو تقسیم کرنے والا قرار دیتے ہوئے کہا ہے کہ یہ ہندوستان کے لئے بہت بڑا خطرہ ہے۔ دگ وجے سنگھ نے سنگھ کو کینسر قرار دیا ہے۔ انہوں نے کہا کہ ہندوستان کو سنگھ جیسے خطرے سے محفوظ کرنے کے لئے تمام لبرل اور جدید سوچ والے لوگوں کو متحد ہونا چاہئے۔
دگ وجئے سنگھ نے جمعے کو کہا کہ سنگھ کے نظریات، اس ملک کے لیے خطرہ ہے اور اس سے، نظریات کی سطح پر لڑنے کی ضرورت ہے۔ کانگریس لیڈر دگ وجے سنگھ کا کہنا ہے کہ سب کا ساتھ سب کی ترقی، ایک ڈھونگی نعرہ ہے اور وہ اس نعرے میں یقین نہیں رکھتے۔ انہوں نے اعلان کیا کہ فرقہ وارانہ ہم آہنگی اور رواداری پر یقین رکھنے والے تمام اعتدال پسند افراد کو سنگھ کے کینسر کے خلاف متحد ہو کر مقابلہ کرنا ہوگا۔
