الوقت - سعودی عرب کے شہر مکہ مکرمہ کے ایک ہوٹل میں آگ لگی ہے۔
النشرہ خبر رساں ایجنسی کی رپورٹ کے مطابق سعودی عرب کے مقدس شہر مکہ مکرمہ کے العزیزیہ علاقے میں واقع ایک ہوٹل میں آگ لگ گئی۔ آتشزدگی کی وجوہات کا پتہ نہیں چلا ہے۔ خبر لکھے جانے تک ہوٹل میں لگی آگ کو بجھانے کی کوشش کی جا رہی تھی۔ فائر بریگيڈ کی ٹیم کے رکن آگ کو بجھانے میں مصروف تھے۔ عینی شاہدین کا کہنا ہے کہ ہوٹل سے دھواں اٹھتا دکھائی دے رہا ہے۔ ابھی تک اس بارے میں کوئی سرکاری بیان نہیں آیا ہے۔ عینی شاہدین کا کہنا ہے کہ آگ کا دائرہ بڑھ رہا ہے اور ہوٹل کا ایک حصہ گر گیا ہے۔
واضح رہے کہ اس سے پہلے حال ہی میں مکہ کے ایک اور ہوٹل میں آگ لگ گئی تھی جس سے عمرہ کرنے والے کئی حاجی متاثر ہوئے تھے۔
