الوقت - ہندورستان کی وزیر خارجہ سشما سوراج اور پاکستان کے خارجہ امور کے مشیر سرتاج عزیز کی ملاقات سے پہلے ایک بار پھر پاکستان کے ہائی کمشنر نے کشمیر کے علیحدگی پسند لیڈروں سے ملاقات کی۔
پاکستان کے ہائی کمشنر عبدالباسط اور علیحدگی پسند رہنما بلال لون کے درمیان حال ہی میں ملاقات ہوئی ہے۔ ذرائع نے بتایا کہ گزشتہ پیر کو عبدالباسط نے دہلی میں پاکستان ہائی کمیشن میں بلال لون سے ملاقات کی۔ اگرچہ اس بات کے اشارے بھی ملے ہیں کہ سشما سوراج اور سرتاج عزیز کے درمیان ہونے والی ملاقات پر اس کا اثرات مرتب نہیں ہوں گے۔
اس سے پہلے پاکستانی اور ہندوستانی ذرائع نے کہا تھا کہ نیپال میں سارک کے اجلاس کے موقع پر ہندوستان کی وزیر خارجہ سشما سوراج اور خارجہ امور میں پاکستان کے وزیر اعظم کے مشیر سرتاج عزیز ملاقات کر سکتے ہیں۔ پاکستان کی وزارت خارجہ کے ترجمان نفیس ذکریا نے بتایا کہ سرتاج عزیز اس سال اسلام آباد میں سارک کے 19ویں اجلاس کا رسمی دعوت نامہ دینے کے لئے نیپال میں 17 مارچ، 2016 کو سارک کے اجلاس میں رکن ممالک کے وزرائے خارجہ سے ملاقات کریں گے۔ 'دی ایکسپریس ٹربیون' نے بھی سفارتی ذرائع کے حوالے سے کہا کہ ہندوستان اور پاکستان، نیپال کے پوكھرا شہر میں سشما اور عزیز نیز دونوں ممالک کے خارجہ سکرٹریز کے اجلاس کے بارے میں کوشش کر رہے ہیں۔
