~~الوقت کی رپورٹ کے مطابق طالبان کے ترجمان ذبیح اللہ مجاہد نے دعوی کیا ہے کہ طالبان کے افراد نے کابل کے قریب دہ سبز علاقے میں افغان فوج کا ایک ہیلی کاپٹر مارگرایا ہے - طالبان کے ترجمان نے یہ بھی دعوی کیا ہے کہ اس حملے میں اٹھارہ افغان فوجی ہلاک ہوگئے ہیں
طالبان نے اتوار کو بھی صوبہ بغلان میں افغان فوج کا ایک ہیلی کاپٹر مارگرانے کا دعوی کیا تھا - طالبان کے ترجمان کا کہنا ہے کہ اس ہیلی کاپٹر کو اس وقت مار گرایا گیا جب وہ طالبان کے ٹھکانوں پر بمباری کر رہا تھا -
طالبان کا کہنا ہے کہ اس حملے میں ہیلی کاپٹر کا ہواباز ہلاک ہوگیا - تاہم آزاد ذرائع سے طالبان کے دعوے کی تصدیق نہیں ہوسکی ہے-
