الوقت کی رپورٹ کے مطابق لاہور میں پولیس ورکشاپ کی تقریب سے خطاب کرتے ہوئے وزیر اطلاعات سینیٹر پرویز رشید نے کہا ہے کہ باچا خان یونیورسٹی پر حملہ کرنے والے انسان نہیں درندے تھے، دہشت گردوں نے نماز میں مصروف طلبہ کو بھی گولیوں کا نشانہ بنایا جس سے پتہ چتا ہے کہ ان کا اسلام سے دور دور تک کا واسطہ نہیں ۔ انہوں نے کہا کہ پولیس کے جوانوں نے دہشت گردی کے خلاف بے مثال قربانیاں دیں اور اپنی جان کی پرواہ کیے بغیر شہریوں کی حفاظت کی ذمہ داری بخوبی سر انجام دے رہے ہیں جس کی نظیر نہیں ملتی۔
پرویزرشید کا کہنا تھا کہ دہشت گردوں سے ہماری جنگ نظریاتی ہے اور بہترین مستقبل کے لیے دہشت گردی کا مکمل خاتمہ ضروری ہے۔
