الوقت کی رپورٹ کے مطابق ڈاکٹروں کی عالمی تنظیم کے سربراہ کرسٹوفر اسٹوکس نے کہاہے کہ ثبوت وشواہد کے مطابق قندوز کے اسپتال پر امریکا کا حملہ پہلے سے طے شدہ پروگرام کے تحت کیا گیا تھا -
اس سے پہلے افغانستان میں غیرملکی فوجوں کے امریکی کمانڈر جان کیمپبل نے کہا تھا کہ قندوز کے اسپتال پر حملہ غلطی سے ہوا تھا -
ڈاکٹروں کی عالمی تنظیم کے سربراہ نے کہا کہ اس حملے کے نتیجے میں مذکورہ اسپتال کی عمارت بری طرح تباہ ہوگئی -
دوہفتے قبل قندوز کے اسپتال پر امریکا کے ہوائی حملےمیں بائیس افراد جاں بحق ہوگئے تھے جن میں اس اسپتال کے ڈاکٹراور عملہ شامل تھا۔ اس حملے میں کم سے کم سینتیس افراد زخمی ہوئے تھے -
