الوقت کی رپورٹ کے مطابق حزب اللہ کے سیکریٹری جنرل سید حسن نصراللہ نے سانحہ منی پر ردعمل ظاہر کرتے ہوئے کہا کہ خطے کے واقعات اور منی کے سانحے نے ہماری عید کو عزا میں تبدیل کردیا ہے۔ انہوں نے کہا کہ منی کا سانحہ تمام انسانوں خاص طور سے مسلم امہ کے لئے انتہائی دردناک ہے۔
انہوں نے مطالبہ کیا ہے کہ حج کا انتظام اسلامی ممالک کی تنطیم او آئی سی کے سپرد کیا جانا چاہیے۔
انہوں کہ سعودی حکومت کو اس عظیم سانحے کی ذمہ داری قبول کرلینا چاہیے۔ انہوں نے کہا سعودی حکام کی جانب حجاج کرام کو اس سانحہ کا ذمہ دار قرار دینا صحیح نہیں ہے۔
ان کا کہنا تھا کہ اس طرح سے، سانحہ منی جیسے واقعات کی روک تھام بھی کی جاسکے اور سعودی حکومت دنیا کے بعض ملکوں کے مسلمانوں کو حج کی ادائیگی محروم بھی نہیں کرسکے گی۔
واضح رہے کہ سعودی حکومت نے اس سال یمن کے شہریوں کو حج کی ادائیگی سے محروم کردیا ہے۔ سعودی حکومت اور اس کے اتحادی ممالک چھبیس مارچ سے یمن کو جارحیت کا نشانہ بنا رہے ہیں جس کے نتیجے میں اب تک ہزاروں افراد شہید اور زخمی ہوچکے ہیں۔
