الوقت کی رپورٹ کے مطابق تنظیم آزادی فلسطین(پی ایل او) کے ایک اعلی عہدیدار احمد مجدلانی نے کہا ہے کہ حماس سمیت تمام گروہوں نے وسیع البنیاد قومی حکومت میں شامل ہونے کا اعلان کیا ہے۔ تاہم ان کا کہنا تھا کہ صرف قومی محاذ برائے آزادی فلسطین نے کہا ہے کہ وہ قومی حکومت میں شامل نہیں ہوگی۔ احمد مجدلانی نے بتایا کہ تحریک حماس نے فتح پارٹی کے مرکزی کمیٹی کے رکن عزام الاحمد کو نئی حکومت میں شمولیت کے فیصلے سے آگاہ کردیا ہے۔
گذشتہ ہفتے رامی حمداللہ کی قیادت میں قومی اتحاد حکومت نے استعفی دے دیا تھا تاہم فلسطینی انتظامیہ کے سربراہ محمود عباس نے ایک بار پھر رامی حمداللہ کو نئی کابینہ کی تشکیل کی ذمہ داری سونپی ہے۔
