الوقت - مسجدالحرام کے امام اورخطیب ڈاکٹرصالح بن عبداﷲ الحمید نے کہا ہے کہ ہمارے مذہب میں تو گرجوں میں راہبوں کو قتل کرنے کی بھی اجازت نہیں ہے تو پھر نماز جمعہ ادا کرنے والوں پرخودکش حملہ کرنا جہاد کیسے ہوسکتا ہے۔
استقبال رمضان کے موضوع پربات کرتے ہوئے امام کعبہ کا کہنا تھا کہ نبی اکرم ﷺ کا فرمان ہے جوکوئی مسجد میں داخل ہوگیا وہ محفوظ ہے، نمازجمعہ ادا کرنے والے نمازی کو مسجد میں کس بنیاد پرقتل کیاجا سکتا ہے؟ اگرمسجد میں نمازیوں کا قتل جائز قراردے دیاجائے تو پھر پیچھے کیا باقی رہ جاتا ہے۔یاد رہے سعودی عرب کے شیعہ نشین علاقوں میں کئی بار مساجد کو خود کش بم دھماکوں کا نشانہ بنایا گیا جس میں کئی شیعہ مسلمان شہید ہوئے ہیں۔
