الوقت کی رپورٹ کے مطابق الاقصی ٹی وی کا کہنا ہے کہ صیہونی آباد کاروں کے حملے میں شہید ہونے والے فلسطینی شیر خوار بچے کے بعد اس کے والد سعد الدوابشہ بھی شہید ہو گئے۔ سعد الدوابشہ صیہونیوں کے حملے میں شدید طور پر زخمی ہو گئے تھے۔
واضح رہے کہ صیہونی آباد کاروں نے دو اگست کو دریائے اردن کے مغربی کنارے میں واقع ایک فلسطینی قصبے پر حملہ کرکے کئی گھروں کو نذر آتش کر دیا تھا۔ اس واقعے میں علی الدوابشہ نام کا شیر خوار بچہ زندہ جل کر شہید اور اس کے گھر والے بری طرح جھلس گئے تھے۔ صیہونیوں کی اس جارحیت اور بربریت پر عالمی تنظیموں نے شدید احتجاج کیا تھا۔جبکہ فلسطینی انتظامیہ نے اس بچے کے بھیانک قتل کا مقدمہ ہیگ کی عدالت میں درج کیا۔
