الوقت - شام کے دارالحکومت دمشق میں سید الشہدء حضرت امام حسین علیہ السلام کی لخت جگر حضرت سکینہ کے مقدس روضے کے قریب ہوئے دہشت گردانہ حملے میں 160 سے زائد افراد شہید اور زخمی ہوئے ہیں۔
تسنیم نیوز ایجنسی کی رپورٹ کے مطابق شام کے باب الصغیر علاقے میں حضرت سکینہ کے روضہ کے دروازے کے قریب ایک دہشت گردانہ دھماکہ ہوا جس میں کم سے کم 40 زائرين شہید اور 120 دیگر زخمی ہو گئے۔ زخمی ہونے والوں میں سے کئی کی حالت تشویشناک ہے۔ اس دھماکے کے بارے میں ابھی تک تفصیلی اطلاع موصول نہیں ہو سکی ہے۔
کچھ لوگوں کا کہنا ہے کہ ایک خود کش حملہ آور زائرين کے درمیان چھپ کر بیٹھا ہوا تھا اور اس نے اپنے آپ کو دھماکے سے اڑا لیا جبکہ کچھ دوسرے کا کہنا ہے کہ زائرين کی بس میں دو بم نصب کئے گئے تھے اور دھماکہ انہی بموں کی وجہ سے ہوا۔
