الوقت - اسرائیلی اخبار ہارئٹز کی رپورٹ کے مطابق، اسرائیلی فوجیوں میں خودکشی کا رجحان روز بروز بڑھتا جا رہا ہے اور 2007 کے بعد سے اب تک 77 سے زائد اسرائیلی فوجی خود کشی کر چکے ہیں۔
اسرائیلی فوج کے ایچ آر کے محکمہ کے حوالے سے ہارئٹز نے لکھا ہے کہ 2016 میں ہلاک ہونے والے مجموعی طور پر 41 صیہونی فوجیوں میں سے 15 نے اپنے ہاتھوں اپنی جان لی ہے۔
یہ پہلی بار ہے کہ جب اسرائیلی فوج، فوجیوں کے مارے جانے کے اعداد و شمار منظر عام پر کر رہی ہے۔
2017 کو شروع ہوئے ابھی دو ہفتہ بھی نہیں ہوا ہے اور 9 اسرائیلی فوجی ہلاک ہو چکے ہیں، جن میں سے ایک فوجی نے خود کشی کی ہے۔
اعداد و شمار کے مطابق 9 فوجی، فوجی حادثے میں ہلاک ہوئے جبکہ 7 فوجی سڑک حادثے میں ہلاک ہوئے ہیں۔ رپورٹ میں مزید بتایا گیا ہے کہ چار فوجی، کاروائی میں ہلاک ہوئے اور 6 فوجی بیماری کی وجہ سے ہلاک ہوئے ہیں۔ رپورٹ میں بتایا گیا ہے کہ 2016 میں 43 صیہونی فوجی شدید طور پر زخمی ہوئے ہیں۔
اعداد و شمار ک مطابق 2014 سے 2016 تک ہر سال 15 صیہونی فوجیوں نے خودکشی کی ہے جبکہ 2008 سے 2010 تک یہ تعداد 20 تھی۔
