الوقت - یمن پر سعودی عرب کے جاری فضائی حملوں کے درمیان یمنی فوجیوں اور رضاکار فورس کی جوابی کارروائی میں جیزان عسیر علاقوں میں 4 سعودی فوجی ہلاک ہوئے۔ جيزان اور عسیر سعودی عرب کے جنوب مغربی سرحدی علاقے ہیں۔
المسيرہ ٹی وی چینل کے مطابق، یمنی فورسز نے سنیچر کی شام ریاض سے 969 کلومیٹر جنوب میں واقع جيزان علاقے میں فوجی چھاؤنی پر کارروائی کی جس میں 3 سعودی فوجی ہلاک ہو گئے۔
یمنی فوجیوں اور رضاکار فورس نے اسی طرح عسیر علاقے کے ربوه قصبے میں ایک چھاؤنی پر جوابی کارروائی کی جس میں 1 سعودی فوجی مارا گیا۔
اس سے پہلے یمنی فورسز نے جيزان علاقے کے المستحدث کیمپ پر توپخانوں سے متعدد راؤنڈ گولہ باری کی لیکن اس کارروائی میں کسی جانی نقصان کی فوری طور پر کوئی رپورٹ نہیں ملی۔
سنیچر کو ہی یمنی فورسز نے جیزا میں واقع الكرس فوجی چوکی پر کئی راکٹ مارے، جس میں فوری طور پر کسی جانی نقصان کی کوئی اطلاع نہیں ملی۔
یمنی فوجیوں نے ملک کے صوبہ صنعا کے نهم علاقے میں اس جگہ پر فائرنگ کی جہاں سابق صدر عبد ربہ منصور ہادی کے ایجنٹ جمع تھے۔ واضح رہے ان جنگجوؤں کو سعودی عرب کی جانب سے مدد ملتی ہے۔
