:: الوقت ::

الوقت - کبھی کبھی کافی عرصے کے بعد سمجھ میں آتا ہے کہ ہم کو ایک تباہ کن جنگ کا سامنا ہے اور دشمن ہمارے مد مقابل ہی کھڑا ہے۔

سی این این کی رپورٹ کے مطابق، لشکر گاہ شہر سے تقریبا پانچ کیلومیٹر دور، افغان فوجی ایک سفید پرچم دیکھ سکتے تھے، یہ سفید پرچم خودسپردگی کے لئے بلند نہیں کیا گیا تھا بلکہ اس کی داستان کچھ اور ہی تھی۔ یہ پرچم طالبان کا تھا اور اس بات کی علامت تھی کہ یہ عسکریت پسند گروہ صوبہ ہلمند کے دار الحکومت سے کتنا نزدیک ہو گیا ہے۔ اس کے باوجود حکومت مرکزی بہت مطمئن تھی کہ فوج کے ہاتھ سے نکلنے والے علاقوں پر پھر سے اپنے کنٹرول میں کر لیا جائے کا اور ہی سبب تھا کہ اسٹراٹیجک اہمیت کا حامل یہ صوبہ پہلے سے زیادہ طالبان کے ہاتھ میں جانے سے نزدیک ہو گیا۔   

طالبان کی واپسی

جو افراد لشکر گاہ میں ہیں وہ مکمل اضطراب اور پریشانی کا احساس کر سکتے ہیں۔ ہلمند پولیس کے ایک افسر نے اپنا نام خفیہ رکھنے کی شرط پر اتوار کو سی این این سے گفتگو کرتے ہوئے کہا کہ فوج نے ابھی کوئی تازہ پیشرفت نہیں کی ہے اور موجود وقت میں ہلمند صوبے کے کم از کم پانچ علاقوں پر طالبان کا مکمل کنٹرول ہے۔ اس پولیس افسر کے مطابق، ان علاقوں مین موسی قلعہ اور ناوزاد بھی شامل ہیں۔ ان کا کہنا تھا کہ خانیشین شہر پر قبضے کے لئے فوج نے جو حملہ کیا تھا، طالبان نے حال ہی میں اسے ناکام بنا دیا تھا۔ موجود وقت میں لشکرگاہ کو طالبان عسکریت پسندوں کی جانب سے دو طرف سے خطرہ لاحق ہے۔   

پولیس کا یہ عہدیدار ماضی کے حوالے سے بہت سے تجزیہ نگاروں میں پائے جانے والے خوف و ہراس کی تائید کرتا ہے۔ ان کا کہنا تھا کہ صوبہ ہلمند میں بڑی تعداد میں افیم کی فصل تیار ہو چکی ہے اور طالبان کے اس صوبے کی جانب متوجہ ہونے کا اصل سبب یہی ہے۔  

 ان کا کہنا تھا گزشتہ ہفتے ہلمند میں جھڑپوں کی کمی کا سبب بھی ہی تھا کیونکہ طالبان پوستہ جمع کرنے میں مصروف ہیں۔

سرنگوں نہیں ہوگا

حکومتی نمائندے پوری شدت سے اس بات کو مسترد کر رہے ہیں کہ ممکنہ طور پر ہلمند صوبے پر طالبان کا کنٹرول ہو سکتا ہے۔ وزیر دفاع معصوم استانکزی نے سی این این سے گفتگو کرتے ہوئے کہا کہ ہلمند پر طالبان کا کنٹرول نہیں ہو سکتا اور اگر وہ قبضہ کرنے میں کامیاب رہے تو میں اپنے عہدے سے استعفی دے دوں کا لیکن ایسا ہو گا نہیں۔

ہلمند کی صورتحال زیادہ اچھی نہیں ہے۔ ہم کو سخت جنگ کا سامنا ہے،بے شک پاکستان کی سرحد سے بہت زیادہ تعداد میں جنگجو اس جانب آ رہے ہیں۔ وہ طالبان کی حالیہ پیشرفت کے لئے پاکستان کی مدد کو ذمہ دار قرار دیتے ہیں۔ یہ ایسا الزام ہے جو افغان حکام بارہا دہراتے رہتے ہیں۔  معصوم استانکزی کا کہنا ہے کہ ہم اس حقیقت پر توجہ کیوں نہیں دیتے؟ پیشاور جائیں، کویٹہ جائیں، وہاں پر عسکریت پسندوں کے ٹریننگ کیمپوں کی حقیقت کیا ہے؟ وہاں کیسے جاتے ہیں اور کس طرح ان سے رابطہ کرتے ہیں؟

ایک برا سال

ہلمند میں افغان سکیورٹی اہلکاروں کو بڑے مسائل کا سامنا ہے۔ اس کے ساتھ ہی امریکی حکام نے بھی صوبے کی قیادت پر سوال اٹھائیں ہیں۔ افغان آپریشن میں امریکا کے چیف آف آرمی اسٹاف جیفری یوکانان نے سی این این سے گفتگو کرتے ہوئے کہا کہ  2015 بہت ہی برا سال تھا لیکن میں زیادہ تر ناکامیوں کے لئے قیادت کی ناکامی کو ذمہ دار قرار دیتا ہوں۔ ان کا کہنا تھا کہ افغان فوجی افسران جو ابھی تازہ منتخب ہوئے ہیں بہت ہی اچھے ہیں، گر چہ ان کو سخت مسائل اور سخت آپریشن کا سامنا ہے لیکن میں اس بات کا شدید مخالف ہوں کہ لشکرگاہ سرنگونی کے دھانے پر ہے۔ موسم گرما کے نزدیک ہونے سے پیش نظر کیونکہ سال کے گرم مہینے جنگ کی فصل شمار ہوتے ہیں، موجودہ چیلنج مزید بڑھ جائے گا۔ یہ ایسی حالت میں ہے کہ افغان فوجیوں کو سال گزشتہ بہت زیادہ نقصان اٹھانا پڑا ہے۔  امریکی حکام کے مطابق گزشتہ سال 5500 افغان فوجی ہلاک ہوئے جبکہ افغانستان میں ایک عشرے کی موجودگی میں نیٹو کے 3500 فوجی ہلاک ہوئے۔     
  
فرار اور طالبان میں شامل ہونا

افغان فوج کو صرف جنگ میں فوجیوں کی ہلاکت کے مسائل کا ہی سامنا نہیں ہے بلکہ بڑی تعداد میں افغان فوجی فرار کر رہے ہیں۔

سی این این نے ہلمند میں دو مفرور فوجیوں سے ملاقات کی جہنوں نے اپنے مسائل سے ان کو آگاہ کیا۔ یہ دونوں فوجی امریکی فوجیوں سے ٹریننگ حاصل کر چکے تھے اور انہوں نے آخر میں طالبان کی صف میں شامل ہونے کا فیصلہ کیا۔ ان میں سے ایک فوجی کہتا ہے کہ میں نے 18 مہینے ٹریننگ حاصل کی اور اس ملک کی خدمت کی قسم کھائی لیکن حالات بدل چکے ہیں، فوج نے ہمیں مایوس کر دیا ہے، اسی لئے میں طالبان کی صف میں شامل ہو گیا، وہ ہمارے سے ساتھ مہمانوں جیسا سلوک کرتے ہیں۔ ان دونوں فوجیوں کے پاس فوجی ورردی ہے، فوج کا شناختی کارڈ اور اے ٹی ایم کارڈ جس میں فوج کی تنخواہ آتی ہے، ان کے پاس ابھی بھی موجود ہیں۔
 

نقصانات

صرف گزشتہ سال 3500 سے زائد فوجی مارے گئے اور 7500 دیگر زخمی ہوئے۔ جن فوجیوں نے لشکرگاہ سے فرار کیا، ان کی کہانیاں بھی عجیب و غریب ہیں۔  ان میں سے ایک کہتا ہے کہ وہ دن میرے لئے بہت برا تھا جب شادی کے ایک پروگرام میں ہینڈ گرینڈ گرا جس میں بہت سی خواتین اور بچے ہلاک ہوگئے۔ اس کے بعد شدید جھڑپیں شروع ہوگئیں، پولیس نے گاؤں چھوڑ دیا اور مجھ سے کہا کہ گاؤں سے چھپ کر نکل جائے، فائرنگ بدستور جاری تھی، کئی افراد ہلاک ہو چکے تھے۔ آخرکار ہم وہاں سے فرار ہوگئے۔ ایک دوسرا شخص جو طالبان کے کنٹرول والے علاقے سے لشکر گاہ خریداری کے لئے آیا تھا، کہتا ہے کہ موسی قلعہ پر طالبان کے قبضے کے بعد اس علاقہ میں کسی حد تک امن قائم ہو گیا ہے۔ اس کا کہنا تھا کہ بازار میں لوگ بھرے ہوئے ہیں جبکہ پہلے بازار خالی ہوتی تھی، یہ اس لئے ہے کہ سیکورٹی کی صورتحال پہلے بدتر تھی اور عوام بازار میں فوجیوں کا سامنا کرنا نہیں چاہتے تھے۔