الوقت کی رپورٹ کے مطابق اقوام متحدہ میں پاکستانی مندوب ملیحہ لودھی نے سلامتی کونسل کے صدر کو خط لکھا ہے جس میں مطالبہ کیا گیا ہے کہ اقوام متحدہ دونوں ممالک کے درمیان ہونے والے سیز فائر معاہدے پر عمل درآمد کے لئے اپنا کردار ادا کرے اور بھارتی اشتعال انگیزی ختم کرائے۔
ملیحہ لودھی نے سلامتی کونسل کے صدر سے کہا ہے کہ بھارت کی جانب سے ورکنگ باؤنڈری اور ایل او سی پر سیز فائر کی مسلسل خلاف ورزی جاری ہے اوراگست کے مہینے میں سیزفائر کی خلاف ورزیوں میں اضافہ ہوا۔
واضح رہے کہ اگست کے مہینے میں 20 کے قریب عام شہری ہلاک اور تقریباً 100 زخمی ہوئے۔جبکہ بھارت کا بھی کہنا ہے کہ پاکستانی فوج کی فائرنگ سے کئی بھارتی ہلاک اور زخمی ہوئے ہیں۔
