الوقت کی رپورٹ کے مطابق حماس کے نائب سربراہ اسماعیل ہنیہ نے فلوٹیلا میں موجود سیاسی، بین الاقوامی اور پارلیمانی شخصیات اور ذرائع ابلاغ کے نمائندوں کے اس دلیرانہ اقدام کا خیرمقدم کیا ہے۔ انہوں نے کہا کہ فلوٹیلا پر سوار افراد اپنا پیغام پہنچانے اور اپنے مقصد کے حصول میں کامیاب رہے۔ انہوں نے کہا کہ اس سفر سے ایک بار پھر عالمی برادری کے سامنے غزہ پٹی کے محاصرے کا معاملہ اجاگر ہوا ہے ۔
واضح رہے صیہونی افواج نے پیر کی صبح بین الاقوامی سمندر میں ماریان نام کے بحری جہاز پر حملہ کرکے اسے مقبوضہ فلسطین کے اشدود بندرگاہ جانے پر مجبور کردیا۔ یہ جہاز غزہ پر مسلط کردہ محاصرہ توڑنے اور فلسطینی عوام تک امداد رسانی کی غرض سے سوئیڈن سے روانہ ہوا تھا۔
