الوقت - امریکا کے نومنتخب صدر ڈونلڈ ٹرمپ نے ریٹائرڈ بحری جنرل جیمز میٹيز کو اپنا وزیر جنگ مقرر کیا ہے۔
ٹرمپ نے جمعرات کو سنسناٹی میں ایک ریلی میں کہا کہ ہم میڈ ڈاگ میٹيز کو اپنا وزیر دفاع بنانے جا رہے ہیں۔ 66 سالہ میٹيز نے میرین كارپس میں 40 سال سے زیادہ وقت تک کام کیا۔ وہ میڈ ڈاگ کے نام سے جانے جاتے ہیں۔ میٹيز افغانستان اور عراق میں متعدد اہم فوجی آپریشنز میں شامل رہے ہیں۔
ٹرمپ کی طرح میٹيز بھی ایران کے ساتھ کئے گئے جوہری معاہدے کے مخالف ہیں اور واشنگٹن پوسٹ کے مطابق میٹيز واشنگٹن کے مخالف ممالک کے خلاف بہت سخت پابندی عائد کئے جانے کی وکالت کرتے ہیں اور وہ خاص طور پر ایران کے بارے میں منفی خیالات رکھتے ہیں۔
انہوں نے گزشتہ اپریل میں کہا تھا کہ ایران، مشرق وسطی کے علاقے کے امن و سلامتی کے لئے سب سے بڑا خطرہ ہے۔ انہوں نے یہ بھی کہا کہ اس وقت مشرق وسطی کے علاقے میں امریکا کا اثرو رسوخ گزشتہ 40 سال کی مدت میں سب سے کم سطح پر پہنچ گیا ہے۔
میٹيز کو اسرائیل اور بعض عرب ممالک کا بہت قریبی سمجھا جاتا ہے اور انہوں نے ایران کے خلاف اسرائیل اور عرب ممالک کا اتحاد بنانے کے لئے متعدد دورے بھی کئے۔
