الوقت - ایک اسرائیلی آبادکار نے مقبوضہ مغربی کنارے کے جنوبی علاقے میں ایک 6 سالہ کی فلسطینی بچی پر کار چڑھا دی جس سے اس کی موت ہو گئی۔
مقامی فلسطینی ذرائع نے متاثرہ کا نام لمی مروہ موسی بتایا۔ اسرائیلی آبادکار نے ہفتے کی شام الخضر قصبے میں اس بچی پر اس وقت گاڑی چڑھا دی جب وہ اپنے گھر کے سامنے فٹ پاتھ پر کھڑی تھی۔ الخضر بیت لحم کے مغرب میں واقع ہے۔
واقعہ کے بعد سب سے پہلے ایک اسرائیلی ایمبيولینس جائے وقوعہ پر پہنچی اور بچی کی لاش نامعلوم مقام پر لے گئی اور تھوڑی دیر بعد اسے مردہ قرار دے دیا گیا۔
مقامی ذرائع نے معا نیوز ایجنسی کو بتایا کہ یہ بچی گھر کے سامنے فٹ پاتھ پر کھڑی تھی کہ اسی وقت تیزی سے آ رہی کار نے اسے ٹکر مار دی تاہم اسرائیلی پولیس کے ترجمان نے دعوی کیا کہ یہ بچی سڑک پار کر رہی تھی جس وقت کار نے اسے ٹکر ماری۔
