الوقت - یمن کی مشترکہ فوج نے جنوبی سعودی عرب کی پہاڑیوں پر پیشرفت کرتے ہوئے 8 سعودی فوجیوں کو ہلاک کر دیا۔
فارس نیوز ایجنسی کی رپورٹ کے مطابق جمعے کو تحریک انصار اللہ اور یمن کی فوج کی مشترکہ کارروائی میں سعودی عرب کے عسیر نامی علاقے میں الشيباني پہاڑیوں پر یمنی فوج کا قبضہ ہو گیا۔
یمن کی فوج نے بتایا ہے کہ اس مہم میں یمن کی فوج نے سعودی چیک پوسٹوں کو تباہ کر دیا اور سعودی فوج کے بہت سے فوجی ساز و سامان پر قبضہ کر لیا۔
خبروں میں بتایا گیا ہے کہ یمنی فوج کے حملے کے بعد سعودی فوجی چیک پوسٹ چھوڑ کر فرار ہو گئے۔
اسی طرح یمنی فوج کے توپخانوں نے جمعہ کو نجران اور جيزان میں بہت سے سعودی فوجی ٹھکانوں پر گولہ باری کی جس میں کئی سعودی فوجی مارے گئے۔ یمنی فوج نے اسی طرح جیزان میں سعودی عرب کی تیل کی کمپنی ارامکو پر بھی میزائیل فائر کئے ہیں جس میں متعدد فوجیوں کے ہلاک ہونے کی اطلاع ہے۔
سعودی عرب بعض عرب ممالک کے ساتھ اتحاد بنا کر یمن پر بمباری کر رہا ہے جس سے اب تک ہزاروں یمنی شہری جاں بحق ہو جا چکے ہیں۔
