~~الوقت نےاللولو ٹی وی چینل کے حوالے سے رپورٹ دی ہے کہ بحرین کے سیکورٹی ادارے کے سربراہ طارق الحسن نے کہا ہے کہ ہر وہ اپیل، جو امن عامہ میں خلل واقع ہونے کا سبب بنے، وہ خود ایک جارحیت شمار ہوتی ہے۔ بحرین کے محکمہ سیکورٹی کے سربراہ نے کہا کہ قانون مخالف کسی بھی اپیل کو سیکورٹی فورسز ناکام بنا دیں گی اور ملک میں امن کے قیام کے لئے تمام تر سیکورٹی اقدامات بروئے کار لائیں گی۔
دوسری جانب بحرین کے انقلابی گروہوں اور پارٹیوں نے اس ملک کے عوام سے آل خلیفہ حکومت کی پالیسیوں کے خلاف احتجاج کرنے کی اپیل کرتے ہوئے کہا ہے کہ وہ 14 فروری دو ہزار گیارہ کے انقلاب کی پانچویں سالگرہ کی مناسبت سے مظاہرے کریں۔
بحرین میں 14فروری 2011 سے اب تک عوام کے پرامن مظاہرے جاری ہیں۔ ان مظاہروں میں عوام سیاسی اصلاحات کا مطالبہ کر رہے ہیں لیکن آل خلیفہ حکومت نے سعودی فوجیوں اور متحدہ عرب امارات کے ایجنٹوں کی مدد سے ہمیشہ عوامی احتجاجات کو سرکوب کیا ہے۔
