الوقت کی رپورٹ کے مطابق یمنی فوج کے ترجمان شرف غالب لقمان نے کہا ہے کہ سعودی عرب کی قیادت والا جارح اتحاد زمین ، فضا اور سمندر سے جنگ بندی کی خلاف ورزی کر رہا ہے۔ انہوں نے کہا کہ جارح سعودی اتحاد نے صوبہ مآرب پر حملے تیز کر دیئے ہیں اور اس کے لڑاکا طیارے بھی حملے کر رہے ہیں۔
یمنی فوج کے ترجمان شرف لقمان غالب نے کہا کہ سعودی اتحاد کی گن بوٹس نے صوبہ حدیدہ کے ساحلی شہر لحیہ پر گولہ باری کی ہے ۔ انہوں نے بتایا کہ صوبہ تعز میں آل سعود کے ایجنٹ جحملیہ نامی علاقے کی جانب پیشقدمی کی کوشش کر رہے ہیں۔
قابل ذکر ہےکہ سعودی اتحاد کی جانب سے جنگ بندی کی خلاف ورزی ایسی حالت میں کی جارہی ہے کہ جب یمن کے سابق صدر منصور ہادی کے چیف آف آسٹاف مختار الرحبی نے چودہ دسمبر کی رات بارہ بجے سے جنگ بندی کا اعلان کیا تھا۔
