الوقت کی رپورٹ کے مطابق پشاور سمیت خیبرپختونخوا کے 23اضلاع میں بلدیاتی انتخابات کا آخری مرحلہ مکمل ہوگیا اور غیر حتمی غیر سرکاری نتائج کے مطابق صوبائی دارالحکومت پشاور میں تحریک انصاف نے میدان مار لیا۔
ادھر ضلع نوشہرہ میں وزیراعلٰی پرویزخٹک کے بھائی لیاقت خٹک ناظم اور اشفاق احمد نائب ناظم منتخب ہوگئے۔
چارسدہ سے تحریک انصاف، کوہاٹ سے جے یوآئی، چترال سے جماعت اسلامی، ٹانک سے پی ٹی آئی، ہری پور سے پی ٹی آئی ، بونیر، اپر دیر، لوئر دیر سے جماعت اسلامی ، شانگلہ اور مانسہرہ سے مسلم لیگ (ن) جبکہ پیپلزپارٹی اور اے این پی نےصرف دو، دو اضلاع میں کامیابی حاصل کی۔
